2015年12月28日 星期一

三腳採茶「問卜」--客語認證
男(口白):唸籤卜卦,賭令造化
唱(卜卦調):手拿籤筒十三支呦
             天文地理捱全知,十字街頭算張命啊算張命
算過幾多好姻緣啊好姻緣
男(口白):善良做事人人知,莫做臭名傳千里,溫純言語行孝順,認真打拼做生理。
𠊎姓胡名靈仙,大家喊𠊎虎令仙啊,
           算命為主…未卜先知,先掛起來,等人客來啊

女(春妹𠊎係春妹。
女(桃花):𠊎桃花。
女(合):聽講介位算命先生,算命當準,來去奔佢算算看吶(走過去)
(算命先生打呼聲)
女(合):算命先生,算命先生(推算命先生一下)
男(口白):哦!地震咧!地震咧!
女(春妹):毋係地震啦,算命先生你啄目睡係無?
男:毋係啦,我甘那打一下目花停停,喊𠊎算命係無?
女(桃花):係啦!𠊎想算算看,𠊎夫郎星哪時會出現?
女(春妹):𠊎想算算看事業哪時正有落着?
男:汝等貴姓大名?今年幾多歲?
女(桃花):𠊎姓劉,名桃花,今年三十二。
男:(手指拿起來算)子丑寅卯,豬狗相咬,哦!妳肖鴨介(指春妹)、你肖大象
女(春妹):哪有人肖鴨、大象?無聽過啦!
男:(ㄟ~)妳外行人,𠊎係內行人,投擺介人卡少,十二生肖司
    這下人卡多,要加肖鴨、大象正,來來來,天清清,地靈靈,
    大羲文王、周公、孔子…抽籤!
女(桃花):(將所有的籤拿出來)
男:噯哦!你想愛嫁一牛車係無?
女(桃花):麼介一牛車?
男:人吶,抽一支嫁一介,妳總下抽去,毋係愛嫁一牛車?
女(桃花):要樣唇抽,𠊎唔曉得啦?
男:抽一支就好,人有誠心,卦有靈,沒順人來,沒逆鬼,再求再應
女(桃花):抽一支(動作)
男:唉呀…小姐恭喜,你夫郎星出現了,今年12月初2斯會出現!
女(桃花):12月初2日斯會出現,介毋斯係今晡日,在哪位呢?
男:(掐指一算)啊!在新社个大南國小。
女(桃花):按嘟好?算命先生,這人山人海無知係哪介(指觀眾)?
男:有哇!你看到一介身著長衫,頭林戴頂帽,背一介黑布袋,
    手拿一介布招牌,斯係佢啦
女(桃花):(左看看,右看看,回頭一看,嚇一跳)
    做麼同算命先生共樣,敢係…?
男:斯係𠊎啦,有合意麼!
女(桃花):看佢鼻平平,目西西,不過緊看緊有𠊎緣,唉唷!將就吶。
女(春妹):𠊎呢?事業要對哪方面發展卡好?
男:好,來!換你抽一支!
男:喔!恭喜小姐,你出運咧,汝頭路同語言、文化有關。
女(春妹):(低頭自語)同語言、文化有關………啊!𠊎有「客語薪傳師」个資格,你看仰脣?
男:按呢斯着咧,你使得去申請「客語傳習班」開班教學生,參加「客家行政類組」个高普考試,考到了去公家機關上班,一生人斯食著毋使愁咧!
女(春妹):哇,按好空介事,按泥崖愛遽遽轉來準備,先生,澇瀝ㄏㄚ!
男:小姐,等加下!
女(合):麼介事!
男:汝等算命錢還沒奔𠊎
女(桃花):三八,自家人,拿麼介錢,來去咧…….正來尞ㄏㄚ!(揮手離去)
男:ㄟ小姐,小姐𠊎一下,你待哪位……(收拾東西追出去)

男女(合):祝福大家,順順利利食百二,轉去買田又買地,勞瀝。